20 jeltoqsanda elimizdiń aýmaǵyna bir mezette sheteldik azamattar tobynyń kelgeni anyqtaldy. Bul týraly QR Memlekettik hatshysy Erlan Qarin málim etti, dep habarlaidy QazAqparat.
«Qazirdiń ózinde jeltoqsannyń 20-sy kúni elimizdiń aýmaǵyna bir ýaqytta sheteldik azamattar tobynyń kelgeni, odan keiin 7-8 qańtar kúnderi túrli baǵyttar arqyly el aýmaǵynan shyǵyp ketýge tyrysqany anyqtaldy. Sonymen qatar arnaýly qyzmetterimiz sońǵy oqiǵalarǵa elimizdiń ishinde áreket etken birqatar radikaldy, ekstremistik uiymdardyń músheleriniń de qatysý faktilerin naqtylady. Munan bólek, qazaqstandyq radikaldar sheteldik terroristik uiymdardy jańa shabýyldar uiymdastyrý úshin osy oqiǵalarǵa qatystyrýǵa tyrysqan. Keiinnen arnaýly qyzmetterimiz mundai áreketterdiń jolyn der ýaqytynda kesti», - dedi Memlekettik hatshy «Habar 24» telearnasy bergen suhbatynda.
Onyń atap ótýinshe, qazirgi ýaqytta da ahýal óte kúrdeli.
«Arnaýly qyzmetter atalǵan tulǵalardy anyqtaý, ustaý, qarý-jaraqty tárkileý jumystaryn jalǵastyryp jatyr. Tek osy kúnderi ǵana quqyq qorǵaý organdarymyz 2 myńnan astam qarý tárkiledi. Tek terrorizm babymen ǵana 44 qylmystyq is qozǵaldy. Jumys jalǵasyp jatyr», - dedi ol.
