20 جەلتوقساندا ەلٸمٸزدٸڭ اۋماعىنا بٸر مەزەتتە شەتەلدٸك ازاماتتار توبىنىڭ كەلگەنٸ انىقتالدى. بۇل تۋرالى قر مەملەكەتتٸك حاتشىسى ەرلان قارين مەلٸم ەتتٸ, دەپ حابارلايدى قازاقپارات.
«قازٸردٸڭ ٶزٸندە جەلتوقساننىڭ 20-سى كٷنٸ ەلٸمٸزدٸڭ اۋماعىنا بٸر ۋاقىتتا شەتەلدٸك ازاماتتار توبىنىڭ كەلگەنٸ, ودان كەيٸن 7-8 قاڭتار كٷندەرٸ تٷرلٸ باعىتتار ارقىلى ەل اۋماعىنان شىعىپ كەتۋگە تىرىسقانى انىقتالدى. سونىمەن قاتار ارناۋلى قىزمەتتەرٸمٸز سوڭعى وقيعالارعا ەلٸمٸزدٸڭ ٸشٸندە ەرەكەت ەتكەن بٸرقاتار راديكالدى, ەكسترەميستٸك ۇيىمداردىڭ مٷشەلەرٸنٸڭ دە قاتىسۋ فاكتٸلەرٸن ناقتىلادى. مۇنان بٶلەك, قازاقستاندىق راديكالدار شەتەلدٸك تەرروريستٸك ۇيىمداردى جاڭا شابۋىلدار ۇيىمداستىرۋ ٷشٸن وسى وقيعالارعا قاتىستىرۋعا تىرىسقان. كەيٸننەن ارناۋلى قىزمەتتەرٸمٸز مۇنداي ەرەكەتتەردٸڭ جولىن دەر ۋاقىتىندا كەستٸ», - دەدٸ مەملەكەتتٸك حاتشى «حابار 24» تەلەارناسى بەرگەن سۇحباتىندا.
ونىڭ اتاپ ٶتۋٸنشە, قازٸرگٸ ۋاقىتتا دا احۋال ٶتە كٷردەلٸ.
«ارناۋلى قىزمەتتەر اتالعان تۇلعالاردى انىقتاۋ, ۇستاۋ, قارۋ-جاراقتى تەركٸلەۋ جۇمىستارىن جالعاستىرىپ جاتىر. تەك وسى كٷندەرٸ عانا قۇقىق قورعاۋ ورگاندارىمىز 2 مىڭنان استام قارۋ تەركٸلەدٸ. تەك تەرروريزم بابىمەن عانا 44 قىلمىستىق ٸس قوزعالدى. جۇمىس جالعاسىپ جاتىر», - دەدٸ ول.
