© vk.com/alesia_lazar
Máskeýde 20 jastaǵy reseilik balerina Alesia Lazareva kenet qaitys boldy. Bul jaǵdaidy aktrisa qyzmet etken Kasatkina jáne Vasilev atyndaǵy klassikalyq balet teatry rastady, - dep habarlaidy Tengrinews.kz.
"Alesia talantty, tanymal balerina edi. Onyń óneri óziniń ásemdigimen, oryndaýdaǵy dáldigimen jáne keremet sheberligimen tańǵaldyrdy. Jas, ádemi jáne jai ǵana perishte, endi bizben birge emes. Ol kenet qaitys boldy, shynynda da, buǵan sene almaisyń", - dep jazdy balerinanyń dostary onyń áleýmettik jelilerdegi paraqshasynda.
Qaiǵyly oqiǵa 29 mamyrda tańerteń bolǵan. Balerina jýynatyn bólmede esinen tanyp qalǵan. Qyzdyń anasy dereý jedel járdem shaqyrǵan, biraq dárigerler jas ónerpazdy qutqara almaǵan.
"Men qyzymmen birge turdym. Ol tańerteń turdy, boldy. Jedel járdem shaqyrdyq, oǵan barlyq jaǵynan kómek kórsete bastadyq. Ony aýrýhanaǵa tiri apardyq. Onda klinikalyq ólim anyqtaldy. Dárigerler onyń esin jiǵyza aldy: júregi soǵyp turdy. Biraq toqtap qaldy... Endi eshteńe jasai almaimyz. Tek shyndyqty jazý kerek, ósek jazbaý kerek. Qyzym keremet bala edi", - dedi qaitys bolǵan balerinanyń anasy Oksana Igorevna.
Balerinanyń jaqyn dosy Aleksandr Ashihmin "StarHitke" Lazarevanyń densaýlyǵyna bailanysty másele bolmaǵanyn jáne onyń qaitys bolýy jaqyn adamdary men dostary úshin kútpegen jait bolǵanyn aitty.
"Alesia kún saiyn jattyǵyp júrdi, únemi tekserilip turdy. Aýrýyńyz bolsa, úlken sportta nemese ónerde bolý múmkin emes. Sondyqtan bárimiz shoshyp kettik", - dedi ol.
