QR Aqparat jáne qoǵamdyq damý ministri Dáýren Abaev elordada 20 naýryzdan bastap jumysy jandanatyn kásiporyndardy aitty, dep habarlaidy "Ult aqparat".
Ministr búgin Nur-Sultan qalasynyń ákimi 20 sáýirden bastap tiisti sektorlardaǵy kásiporyndardyń jumysyn jalǵastyrýdy usynǵanyn atap ótti. Birinshiden, ónerkásiptik jáne indýstriialyq kásiporyndar, ekinshiden, qurylys salasyndaǵy kásiporyndar, úshinshiden, qystan keiin joldar jóndeitin asfal-beton zaýyttary qamtylmaq.
«Tórtinshiden, zeinetaqy men járdemaqy berý úshin ekinshi deńgeidegi bankter, iaǵni olar saǵat 16:00-ge deiin qysqa jumys kestesimen jumys isteidi», - dedi Dáýren Abaev telearna arqyly ótken onlain brifing barysynda.
Besinshiden, jeke qosalqy qyzmet kórsetý sektorynyń keibir uiymdary eskerilgen. Osy oraida, himiialyq tazalaý jáne kir jýatyn oryndar, dóńgelek jóndeý, arnaiy tehnikalardy jóndeý, kólik jýý stansalary qarastyrylǵan.
Budan bólek, qoǵamdyq tamaqtaný ornynan tamaq jetkizý múmkindigin túngi saǵat 10:00-ge deiin uzartý usynylady.
«Osylaisha, barlyq atalǵan kásiporyndar boiynsha 100 myńǵa jýyq obekt jumysyn jalǵastyrady. Bul Nur-Sultan qalasyndaǵy jumys isteitin halyqtyń shamamen 20 paiyzy», - dedi ministr.
Budan buryn habarlanǵandai, Dáýren Abaev Nur-Sultan men Almaty qalalarynda aýrý juǵý qaýpi eń az degen kásiporyndar iske qosylatynyn aitty.
