قر اقپارات جەنە قوعامدىق دامۋ مينيسترٸ دەۋرەن اباەۆ ەلوردادا 20 ناۋرىزدان باستاپ جۇمىسى جانداناتىن كەسٸپورىنداردى ايتتى, دەپ حابارلايدى "ۇلت اقپارات".
مينيستر بٷگٸن نۇر-سۇلتان قالاسىنىڭ ەكٸمٸ 20 سەۋٸردەن باستاپ تيٸستٸ سەكتورلارداعى كەسٸپورىنداردىڭ جۇمىسىن جالعاستىرۋدى ۇسىنعانىن اتاپ ٶتتٸ. بٸرٸنشٸدەن, ٶنەركەسٸپتٸك جەنە يندۋسترييالىق كەسٸپورىندار, ەكٸنشٸدەن, قۇرىلىس سالاسىنداعى كەسٸپورىندار, ٷشٸنشٸدەن, قىستان كەيٸن جولدار جٶندەيتٸن اسفال-بەتون زاۋىتتارى قامتىلماق.
«تٶرتٸنشٸدەن, زەينەتاقى مەن جەردەماقى بەرۋ ٷشٸن ەكٸنشٸ دەڭگەيدەگٸ بانكتەر, ياعني ولار ساعات 16:00-گە دەيٸن قىسقا جۇمىس كەستەسٸمەن جۇمىس ٸستەيدٸ», - دەدٸ دەۋرەن اباەۆ تەلەارنا ارقىلى ٶتكەن ونلاين بريفينگ بارىسىندا.
بەسٸنشٸدەن, جەكە قوسالقى قىزمەت كٶرسەتۋ سەكتورىنىڭ كەيبٸر ۇيىمدارى ەسكەرٸلگەن. وسى ورايدا, حيمييالىق تازالاۋ جەنە كٸر جۋاتىن ورىندار, دٶڭگەلەك جٶندەۋ, ارنايى تەحنيكالاردى جٶندەۋ, كٶلٸك جۋۋ ستانسالارى قاراستىرىلعان.
بۇدان بٶلەك, قوعامدىق تاماقتانۋ ورنىنان تاماق جەتكٸزۋ مٷمكٸندٸگٸن تٷنگٸ ساعات 10:00-گە دەيٸن ۇزارتۋ ۇسىنىلادى.
«وسىلايشا, بارلىق اتالعان كەسٸپورىندار بويىنشا 100 مىڭعا جۋىق وبەكت جۇمىسىن جالعاستىرادى. بۇل نۇر-سۇلتان قالاسىنداعى جۇمىس ٸستەيتٸن حالىقتىڭ شامامەن 20 پايىزى», - دەدٸ مينيستر.
بۇدان بۇرىن حابارلانعانداي, دەۋرەن اباەۆ نۇر-سۇلتان مەن الماتى قالالارىندا اۋرۋ جۇعۋ قاۋپٸ ەڭ از دەگەن كەسٸپورىندار ٸسكە قوسىلاتىنىن ايتتى.
