QR BǴM IV toqsanda qashyqtan oqytýdyń birneshe jolyn usynyp otyr. Atap aitsaq, radio jáne telearnalar arqyly ótkiziletin sabaqtar, bilim berý internet-resýrstaryn paidalaný, shaǵyn jinaqty mektepterdegi dástúrli oqytý formaty jáne taǵy bir baǵyt – «Qazposhta» arqyly.
Búgin Bilim jáne ǵylym vitse-ministri Rústem Biǵari men «Qazposhta» AQ Basqarma tóraǵasy Sáken Sársenov osy baǵyttaǵy yntymaqtastyq tetikterin talqylady, dep habarlaidy "Ult aqparat" QR Bilim jáne ǵylym ministrliginiń baspasóz qyzmetine silteme jasap.
Elimizdegi keibir eldi mekenderde mektep te, internet te joq. Sondyqtan onda turatyn mektep jasyndaǵy balalar kórshi aýyldarǵa kólikpen arnaiy jetkizilip otyratyn. Endi pandemiia kezinde oqý materialdaryn muǵalimderden oqýshylarǵa, oqýshylardan muǵalimderge keri jiberý jumystaryn uiymdastyrý qajet. Elimizde mundai oqýshylardyń sany 20 myńnan asady.
Atalǵan mindetterdi júzege asyrý maqsatynda taraptar yntymaqtastyq týraly Memorandýmǵa qol qoidy. Osyǵan sáikes, oqýshylarǵa arnalǵan oqý materialdary «Qazposhta» AQ poshta bólimsheleri arqyly jetkiziletin bolady. Ata-analarǵa poshta bailanysy qyzmeti úshin tólem jasaýdyń qajeti joq.
Qashyqtan bilim berý tehnologiialaryn qoldaný arqyly oqýǵa múmkindigi joq oqýshylar týraly derekterdi oblystyq jáne respýblikalyq mańyzy bar qalalardyń bilim basqarmalarynyń ókilderi usynady.
«Aita ketken jón, shalǵai eldi mekenderde ómir súretin oqýshylarǵa arnalǵan oqý materialdary sanitarlyq qaýipsizdiktiń barlyq normalaryn saqtai otyryp, jetkiziletin bolady», - delingen habarlamada.
