Foto: ashyq derekkóz
Ekologiia jáne tabiǵi resýrstar ministrliginiń málimetinshe, 20 qyrkúiekte Qazaqstannyń barlyq óńirlerinde «Taza Qazaqstan» jalpy respýblikalyq aktsiiasy aiasynda aýmaqtardy tazartý sharalary uiymdastyrylady. Bul bastama búkil álemde atalyp ótetin «World Clean up Day» kúnine orailastyrylyp otyr, dep habarlaidy Ult.kz.
Ministrlik atap ótkendei, «World Clean up Day» – bul tek qoqys jinaý sharasy ǵana emes, sonymen qatar tabiǵatqa qamqorlyq pen ekologiialyq jaýapkershilikti arttyrýǵa baǵyttalǵan mańyzdy qadam. Qazaqstan da jyl saiyn osy halyqaralyq qozǵalysqa belsendi túrde atsalysady.
«Barsha qazaqstandyqtardy tazalyq aktsiiasyna qatysyp, qorshaǵan ortany qorǵaýǵa óz úlesin qosýǵa shaqyramyz. Árbir azamattyń belsendiligi elimizdiń tabiǵatyn saqtaýǵa zor yqpal etedi», – delingen vedomstvonyń habarlamasynda.
