فوتو: اشىق دەرەككٶز
ەكولوگييا جەنە تابيعي رەسۋرستار مينيسترلٸگٸنٸڭ مەلٸمەتٸنشە, 20 قىركٷيەكتە قازاقستاننىڭ بارلىق ٶڭٸرلەرٸندە «تازا قازاقستان» جالپى رەسپۋبليكالىق اكتسيياسى اياسىندا اۋماقتاردى تازارتۋ شارالارى ۇيىمداستىرىلادى. بۇل باستاما بٷكٸل ەلەمدە اتالىپ ٶتەتٸن «World Clean up Day» كٷنٸنە ورايلاستىرىلىپ وتىر, دەپ حابارلايدى Ult.kz.
مينيسترلٸك اتاپ ٶتكەندەي, «World Clean up Day» – بۇل تەك قوقىس جيناۋ شاراسى عانا ەمەس, سونىمەن قاتار تابيعاتقا قامقورلىق پەن ەكولوگييالىق جاۋاپكەرشٸلٸكتٸ ارتتىرۋعا باعىتتالعان ماڭىزدى قادام. قازاقستان دا جىل سايىن وسى حالىقارالىق قوزعالىسقا بەلسەندٸ تٷردە اتسالىسادى.
«بارشا قازاقستاندىقتاردى تازالىق اكتسيياسىنا قاتىسىپ, قورشاعان ورتانى قورعاۋعا ٶز ٷلەسٸن قوسۋعا شاقىرامىز. ەربٸر ازاماتتىڭ بەلسەندٸلٸگٸ ەلٸمٸزدٸڭ تابيعاتىن ساقتاۋعا زور ىقپال ەتەدٸ», – دەلٸنگەن ۆەدومستۆونىڭ حابارلاماسىندا.
