Almaty oblysynda eki jastaǵy týǵan ulyn óltirdi degen kúdikti jaily kórshileri aityp berdi, dep habarlaidy "Ult aqparat".
«Áieldiń apaiy bizge júgirip kelip, bala muzdatqyshta ólip jatyr dedi. Biz birden politsiia shaqyrdyq. Balany shilde aiynyń ortasynan keiin kórmedik. Buryn kúieýimen Reseide turǵan. Qazir bir jyldan beri osy jerde turady. Balasyn ylǵi jylatyp jatady. Bizge jaqyn turǵandyqtan jylaǵan daýysyn da estitinbiz. Balasy bizdiń úige kelip, únemi meniń qasymda júretin. Bala úige barmaimyn deitin. Al áieldiń ózi sońǵy kezde jaǵalai qaryz surap ketti. Kórshilerdiń bárine qaryz. Biraq ulyn óltirgendigi jaily syr bildirmedi. Bala qaida dep surasaq, Taldyqorǵanda tárbieshide deidi, boldy», - dedi Qaratal aýdanyna qarasty Úshtóbe qalasynyń turǵyny Liýbov Slesarenko.
Týǵan ulyn óltirip, múrdesin eki aiǵa jýyq ýaqyttan beri muzdatqyshta ustady degen kúdikke ilingen áiel qazir qamaýda otyr.
Esterińizge sala keteiik, buǵan deiin Almaty oblysynyń Úshtóbe qalasynda 27 jastaǵy áiel eki jastaǵy balasyn óltirdi degen kúdikpen ustalǵanyn habarlaǵan bolatynbyz.
