Búgin, 2 tamyzda Nur-Sultan qalasynyń Bas memlekettik sanitarlyq dárigeriniń jańa qaýlysy kúshine endi. Qujatta elordanyń birqatar kásipkerlik nysandarynyń jumys tártibi jazylǵan, dep habarlaidy "Ult aqparat" qala ákimdiginiń resmi saityna silteme jasap.
Jańa qaýlyǵa sáikes, dárihanalardan, azyq-túlik dúkenderinen, bailanyssyz jolmen qyzmet kórsetetin nysandardan jáne «Ashyq» jobasyna qatyspaityn kásipkerlik nysandarynyń kópshiliginiń jumysyna tyiym salynǵanyn aita ketý kerek.
Saýda oiyn-saýyq ortalyqtaryna, saýda úileri men qala ortalyqtaryna kirý tek Ashyq júiesindegi QR-kodty skanerleý arqyly júzege asyrylady.
Bul nysandardyń jumys kestesi — tańǵy saǵat 7-den 20:00-ge deiin. Sonymen qatar, senbi jáne jeksenbi kúnderi bul nysandardyń jumysyna tyiym salynady.
«Fýdkorttar jumysyna senbi jáne jeksenbi kúnderi tyiym salynǵan. Al dúisenbi-juma kúnderi adam sanyn 50 orynnan asyrmai saǵat 7.00-den 20.00-ge deiin Ashyq jobasy arqyly jumys istei alady. Jumys jáne demalys kúnderi saǵat 7.00-den 20.00-ge deiin tamaq jetkizýge jáne ózimen alyp shyǵýǵa ruqsat etiledi. Túrli aktsiialar, jármeńkeler, shoýrýmdar men utys oiyndaryn (onlain-formatty qospaǵanda) ótkizýge tyiym salynady», — delingen qaýlyda.
Sonymen qatar, Ashyq jobasyna qatyspaityn qoǵamdyq tamaqtaný oryndary — meiramhanalar, kafeler, kofehanalar, ashanalar ornalasqan jerine qaramastan tamaq jetkizý nemese alyp shyǵý qyzmetterin kórsete alady.
Ashyq jobasyna qatysýshylarǵa tek dúisenbi-juma kúnderi saǵat 07.00-den 20.00-ge deiin jumys isteýine ruqsat etiledi.
Bul rette mekemeniń ishinde jáne ashyq aýada toltyrylýy 50 paiyzdan aspaýy kerek, biraq oryn sany 50-den asyp ketpeýi tiis.
