Almaty qalasy boiynsha ekonomikalyq tergeý departamenti, Almaty qalasynyń ekinshi deńgeili bankterinen qarjyny zańsyz jolmen qolma-qol aqshaǵa ainaldyrý derekteriniń deńgeiin tómendetý boiynsha jumystar júrgizýde, dep habarlaidy "Ult aqparat".
Biyl departament 63 qylmysty áshkereledi. Onyń ishinde uiymdasqan qymystyq top qurý arqyly qandai da bir qyzmet atqarmaityn jaýapkershiligi shekteýli seriktestikterdiń esepshoty arqyly ekinshi deńgeili bankterden qarajatty zańsyz qolma-qolǵa aqshaǵa ainaldyrýdyń 2 faktisin anyqtaǵan.
«Tergeý kezinde anyqtalǵandai, Almaty qalasynyń turǵyny 2016-2019 jyldar aralyǵynda ózine tiesili kompaniia arqyly salyqtan jaltarý úshin, jalpy somasy 2 mlrd teńgege saýda-sattyq jasaldy delingen jalǵan shot-faktýralar jasaǵan», - dep habarlady QR QM Qarjy monitoringi komitetiniń baspasóz qyzmeti.
Almaty qalasy Almaly aýdandyq sotynyń úkimimen qylmystyq is-áreketti uiymdastyrýshy QR QK 216-babynyń 3-bólimine sáikes (is júzinde jumystar oryndalmai, qyzmetter kórsetilmei, taýarlar tiep-jóneltilmei shot-faktýra jazý boiynsha áreket jasaý) kináli dep tanyldy. Aiyptalýshy 2 jyl 6 ai merzimge bas bostandyǵynan aiyryldy.
Sondai-aq, sottyń úkimine sáikes, atalǵan azamatqa ekonomikalyq qyzmet salasynda basshylyq qyzmetpen 10 jylǵa deiin ainalysýyna shekteý qoiyldy.
