الماتى قالاسى بويىنشا ەكونوميكالىق تەرگەۋ دەپارتامەنتٸ, الماتى قالاسىنىڭ ەكٸنشٸ دەڭگەيلٸ بانكتەرٸنەن قارجىنى زاڭسىز جولمەن قولما-قول اقشاعا اينالدىرۋ دەرەكتەرٸنٸڭ دەڭگەيٸن تٶمەندەتۋ بويىنشا جۇمىستار جٷرگٸزۋدە, دەپ حابارلايدى "ۇلت اقپارات".
بيىل دەپارتامەنت 63 قىلمىستى ەشكەرەلەدٸ. ونىڭ ٸشٸندە ۇيىمداسقان قىمىستىق توپ قۇرۋ ارقىلى قانداي دا بٸر قىزمەت اتقارمايتىن جاۋاپكەرشٸلٸگٸ شەكتەۋلٸ سەرٸكتەستٸكتەردٸڭ ەسەپشوتى ارقىلى ەكٸنشٸ دەڭگەيلٸ بانكتەردەن قاراجاتتى زاڭسىز قولما-قولعا اقشاعا اينالدىرۋدىڭ 2 فاكتٸسٸن انىقتاعان.
«تەرگەۋ كەزٸندە انىقتالعانداي, الماتى قالاسىنىڭ تۇرعىنى 2016-2019 جىلدار ارالىعىندا ٶزٸنە تيەسٸلٸ كومپانييا ارقىلى سالىقتان جالتارۋ ٷشٸن, جالپى سوماسى 2 ملرد تەڭگەگە ساۋدا-ساتتىق جاسالدى دەلٸنگەن جالعان شوت-فاكتۋرالار جاساعان», - دەپ حابارلادى قر قم قارجى مونيتورينگٸ كوميتەتٸنٸڭ باسپاسٶز قىزمەتٸ.
الماتى قالاسى المالى اۋداندىق سوتىنىڭ ٷكٸمٸمەن قىلمىستىق ٸس-ەرەكەتتٸ ۇيىمداستىرۋشى قر قك 216-بابىنىڭ 3-بٶلٸمٸنە سەيكەس (ٸس جٷزٸندە جۇمىستار ورىندالماي, قىزمەتتەر كٶرسەتٸلمەي, تاۋارلار تيەپ-جٶنەلتٸلمەي شوت-فاكتۋرا جازۋ بويىنشا ەرەكەت جاساۋ) كٸنەلٸ دەپ تانىلدى. ايىپتالۋشى 2 جىل 6 اي مەرزٸمگە باس بوستاندىعىنان ايىرىلدى.
سونداي-اق, سوتتىڭ ٷكٸمٸنە سەيكەس, اتالعان ازاماتقا ەكونوميكالىق قىزمەت سالاسىندا باسشىلىق قىزمەتپەن 10 جىلعا دەيٸن اينالىسۋىنا شەكتەۋ قويىلدى.
