2 mln 333,8 myń qazaqstandyqqa 42 500 teńge aýdaryldy, dep habarlaidy "Ult aqparat" Eńbek jáne halyqty áleýmettik qorǵaý ministrliginiń baspasóz qyzmetine silteme jasap.
Ministrlik 14 tamyz saǵat 09.00-degi jaǵdai boiynsha shildede shekteý sharalaryn engizýge bailanysty tabysynan aiyrylǵan jaǵdaida Memlekettik áleýmettik saqtandyrý qorynan birjolǵy tólem taǵaiyndaýǵa qatysty aqparatty jariialady.
Azamattardan 2 mln 548 myńnan astam biregei ótinish qabyldandy, tólem mólsheri eń tómengi jalaqyǵa – 42 500 teńgege teń. Tólemdi 2 mln 333,8 myń qazaqstandyq aldy, onyń ishinde 2 mln 320,3 myń adam tamyz aiynda karantinniń uzartylýyna bailanysty 0,5 ETJ – 21 250 teńge mólsherinde qosymsha aqy aldy.
2 mln 548 myńnan astam ótinimniń ishinde:
– 834,9 myń adam proaktivti formatta tólem taǵaiyndaýǵa kelisim bergen;
– 659,5 myń adam Egov.kz portaly jáne telegram-bottar arqyly;
– 396,7 myń adam 42500.enbek.kz portaly arqyly;
– 657,4 myń adam ekinshi deńgeidegi bankterdiń mobildik qosymshalary men internet-resýrstary arqyly;
– 0,2 myń adam shtabtar arqyly ótinish bergen.
Azamattardyń sanattary bólinisinde:
– 834,9 myń ótinish biryńǵai jiyntyq tólem tóleýshilerden kelgen (proaktivti formatta);
– 246,3 myń ótinishti jaldamaly qyzmetkerleri úshin jumys berýshiler bergen;
– 1 mln 467,6 myń ótinish azamattardyń basqa sanattarynan kelip tústi (jeke kásipkerler, jeke praktikamen ainalysatyn adamdar, azamattyq-quqyqtyq sipattaǵy sharttar boiynsha tabys alatyn jeke tulǵalar).
Tólem 2 mln 340,8 myń adamǵa taǵaiyndaldy. Aqshalai qarajat 2 mln 333,8 myń qazaqstandyqqa aýdaryldy.
