Foto: Almaty qalasynyń ákimdigi
«Medeý» muz aidynynda konkimen syrǵanaý maýsymy 2 qarasha kúni ashylady, dep habarlaidy Ult.kz.
Almaty ákimdiginen málim etkendei,1qarashada «Medeý» muz aidyny tehnikalyq rejimde iske qosylady,oǵan barlyq tilek bildirýshiler seans kestesine sáikes bara alady.
Al,ekinshi qarashada «Medeý» biik taýly muz aidynynda jappai syrǵanaýdyń jańa maýsymynyń saltanatty ashylýy ótedi.
Saltanatty ashylý baǵdarlamasy saǵat 12:00-den 15:30-ǵa deiin jalǵasady.
Kelýshiler úshin qazaqstandyq estrada juldyzdarynyń qatysýymen kontserttik baǵdarlama qarastyrylǵan.Keshki saǵat 17:00-den 20:00-ge deiin qonaqtar konkýrstarǵa qatysyp,syilyqtaryn alady.
Jańa maýsymda kelýshilerdi kúndelikti jappai syrǵanaý seanstary, merekelik is-sharalar jáne sporttyq jarystar kútedi.Niet bildirýshiler konkidi jalǵa alyp, demalys aimaǵyn paidalana alady.
Almaty qalasy sport ǵimarattarynyń direktsiiasy qala turǵyndary men qonaqtaryna kassalardaǵy kezekterdi boldyrmaý jáne týrniket júiesi arqyly jyldam ótýdi uiymdastyrý, keptelister men turaq qiyndyqtaryn boldyrmaý úshin biletterdi www.medeu.kz resmi sait arqyly satyp alýdy jáne qoǵamdyq kólikterdi paidalanýdy usynady.
Ashylý kúni №12 avtobýs baǵytyn «Medeý» biik taýly muz aidynyna deiin ulǵaitý josparlanýda. Avtobýstar jumys kúnderi saǵat 8:00-den 00:00-ge deiin jáne demalys kúnderi saǵat 8:00-den 01:00-ge deiin júredi.
Kólik júretin oryndardy 2GIS qyzmetinen tabýǵa bolady.
