QR IIDM Kólik komiteti tórǵasynyń orynbasary Jánibek Taijanov jolaýshylar poiyzdarynyń qozǵalysyn jandandyrýdyń ekinshi jáne úshinshi kezeńinde qandai sharalar atqarylatynyn aitty, – dep habarlaidy QazAqparat.
«Jol júrý biletterin satý biylǵy 15 mamyrdan bastaldy. Búginde 293 myń bilet satyldy. Ekinshi kezeńde, iaǵni 2020 jyldyń 10 maýsymynan bastap 39 jup poiyzdyń qozǵalysyn jandandyrý josparlanǵan. Onyń ishinde alty «Talgo», 14 standardtty jáne 19 qala mańy poiyzy bar», - dedi J.Taijanov.
Onyń sózine qaraǵanda, úshinshi kezeńde memlekettik shekaradan ótýge shekteýlerdi alyp tastaý sharalaryna qarai 15 jup poiyzdyń qozǵalysy ashylady.
«Qazirgi kezde sanitarlyq talaptarǵa sáikes, barsha infraqurylymdyq nysandar tasymaldaý protsesine daiyndaldy. Jolaýshylar men poiyz brigadasyn barynsha qorǵaý boiynsha tasymaldaý sharalary Kóliktegi memlekettik bas sanitarlyq dárigerdiń nusqaýlaryna sáikes iske asyrylady», - dedi J. Taijanov.
Budan buryn habarlanǵandai, birinshi kezeńde 1 maýsymnan bastap 54 jup poiyzdyń qozǵalysy jandanady. Onyń ishinde bes «Talgo», 31 standartty jáne 18 qala mańy poiyzy qamtylmaq.
