Foto:depositphotos.com
2024 jyly 18 035 etnikalyq qazaq tarihi otanymen tabysyp, qandas mártebesin aldy. Jalpy 1991 jyldan beri respýblikaǵa 1 million 146,4 myń etnikalyq qazaq oraldy, - dep habarlaidy Eńbek jáne halyqty áleýmettik qorǵaý ministrligi .
Jyl basynan Qazaqstanǵa kelgen qandastardyń 45,4 paiyzy – Qytaidan, 38,9 paiyzy – Ózbekstannan, 6 paiyzy – Mońǵoliiadan, 5,8 paiyzy – Túrikmenstannan, 2,7 paiyzy – Reseiden jáne 1,3 paiyzy basqa elderden.
1 jeltoqsandaǵy jaǵdai boiynsha, eńbekke qabiletti jastaǵy etnikalyq qonys aýdarýshylar sany 57,1 paiyz, eńbekke qabiletti jastan kishi 33,4 paiyz jáne zeinetkerler 9,5 paiyz bolady.
"Eńbekke qabiletti jastaǵy qandastardyń ishinen bilim deńgeii boiynsha 17,5 paiyzy joǵary bilimdi, 25 paiyzy orta kásibi bilimdi, 54,7 paiyzy jalpy orta bilimdi jáne 2,8 paiyzynyń bilimi joq.
Qonys aýdarǵan etnikalyq qazaqtar respýblikanyń túrli óńirlerine qonystandy. Sonymen birge, qandastardy qonystandyrý úshin kelesidei eńbek kúshi tapshy óńirler anyqtaldy: Aqmola, Abai, Qostanai, Pavlodar, Shyǵys jáne Soltústik Qazaqstan oblystary", - delingen habarlamada.
Qonystandyrý óńirlerinde 2024 jylǵa arnalǵan qandastardy qabyldaý kvotasy 3 033 adam bolady. Biylǵy 1 jeltoqsandaǵy jaǵdai boiynsha qonystandyrý óńirlerine 2 961 qandas qonys aýdardy.
Jyl basynan beri 2 624 qandasqa túrli qoldaý sharalary kórsetildi. Atap aitqanda, 794 adam turaqty jumysqa ornalastyryldy.
