Koronavirýstan qoryqpai, jumysqa, kóshege shyǵyńyzdar dep aitý – iritki salý. Bul týraly QR Aqparat jáne qoǵamdyq damý ministri Dáýren Abaev aitty, dep habarlaidy QazAqparat.
«Qazir koronavirýs eshqandai jańa aýrý emes, ol 1965 jyly anyqtalǵan jáne adamdardyń 70%-ynda oǵan qarsy immýnitet bar degen aqparat taralýda. Bul jerde eskeretin másele bar. Dárigerler men mamandar meni tolyqtyrady dep oilaimyn. Koronavirýs – ol virýs tuqymdasy. Oǵan 40-tan astam virýs kiredi. Atipiialyq pnevmoniia – bul da koronavirýs. Taiaý shyǵys respiratorlyq sindrom – ol da koronavirýstyń bir túri. Shynynda, 1965 jyly osyndai virýstyń alǵashqy túri tabylǵan. Biraq, ol COVID-19 emes. Sondyqtan, qazir koronavirýstan qoryqpai, jumysqa, kóshege shyǵyńyzdar dep aitý – iritki salý. Adamdarda COVID-19 virýsyna qarsy eshqandai immýnitet joq. Sanitarlyq talaptardy saqtap, úide otyrý kerek», - Dáýren Abaev Habar24 arnasynda ótken onlain brifingte.
