Energetika ministri Bolat Aqsholaqov gaz qymbattaýyn tejeý qalai josparlanyp otyrǵanyn aitty, - dep habarlaidy Tengrinews.kz.
"180 kúnnen keiin gaz baǵasynyń kúrt ósýine jol bermeý úshin Energetika ministrligi Memlekettik kirister komitetimen birlesip Qazaqstannyń ishki naryǵynda satylatyn suiytylǵan munai gazy ainalymyn baqylaýǵa alady. Sonymen qatar, ministrlik "Gaz jáne gazben jabdyqtaý týraly" zańǵa tolyqtyrýlar paketin ázirledi, bul suiytylǵan gazdyń shekti bólshek saýda baǵasyn belgileý boiynsha Energetika ministrligi quzyretine jatqyzylady", - dedi vedomstvo basshysy.
Zańnamaǵa tiisti túzetýler ázirlengen jáne "Memleket basshysynyń tapsyrmalaryn oryndaý máseleleri boiynsha keibir zańnamalyq aktilerge ózgerister men tolyqtyrýlar engizý týraly" zań jobasymen birge Májiliske joldanady.
"Biz aldaǵy 180 kúnde tyiym salýdy emes, baqylaýdy engizýdi usynyp otyrmyz. Eger zańǵa túzetýler engizilip, zańda shekti bólshek saýda baǵasyn belgileýge quqyq berilse, onyń ishinde kóterme saýdada qandai da bir dáliz qurý qajet bolýy múmkin. Aldaǵy 180 kún ishinde biz kóterme baǵalardy bekitetin rejimde bolamyz, biraq bólshek saýdanyń eń joǵarǵy baǵasyn bekite almaimyz. Kelesi jyldan bastap zań kúshine enedi, biz bólshek saýdanyń shekti baǵasyn zańnamalyq túrde belgileimiz", - dep túsindirdi Aqsholaqov.
