Jambyl oblysy Merke aýylynda 18 jastaǵy tsirk ártisi Mariia Katsýnnyń jerleý rásimi ótti, - dep habarlaidy Massaget.kz portaly.
Mariiany aqtyq saparǵa týystary, áriptesteri, muǵalimderi, synyptastary men dostary shyǵaryp salǵan. Qyzben jaqyn qarym-qatynasta bolǵandar onyń óz-ózine qol jumsaǵanyna senbeidi.
video: TENGRI.TV
"Biz Mashamen óte jaqyn edik, ol maǵan bárin aityp beretin, ápke deitin. Ol tamyzdyń ortasynda Almatyǵa keldi, biz kóristik. Ol eki jas úlken Slava esimdi er adammen kezdesip júrgenin, ol da "Shapito" tsirkinen ekenin aitty. Biz birge bolǵan kezde jigit oǵan qońyraý shalyp, qaida, kimmen ekenin óte dóreki surady. Men oǵan bulai sóilesýge bolmaitynyn aittym. Ol onymen aiyrylysatyn nietpen ketti", - deidi qaitys bolǵan qyzdyń dostarynyń biri Nazym Abaeva.
Sondai-aq, qyzdyń aitýynsha, er adam Mariiany uryp-soqqan.
"17 tamyzda Masha jigit urǵanyn jazdy. Ol jigit ózin tunshyqtyrǵysy kelgenin jáne odan qorqatynyn aitty. Onymen birge ákem jumys isteidi, men Mashaǵa meniń ákeme ne bolǵanyn aitýdy usyndym. Ol qalamady. Biraq ol Slavadan qorqatyn. Gastroldik sapar kezinde Mariia fýrada turdy. Dál sol jerden óli tabyldy. Slava tapty. Ol júk kóligine qamalyp, asylyp qalǵan bolyp shyqty. Biz ony otyrǵan kúide taptyq. Tsirk qyzmetkerleriniń aitýynsha, buǵan deiin ol qandai da bir sebeptermen forma men rekvizit ákelýdi ótingen. Demek ol jattyǵý jasaǵysy kelgen. Eger ol asylyp ólgisi kelse, formanyń ne keregi boldy?" - deidi Nazym.
Mariia qaitys bolǵan kúni Nazym oǵan WhatsApp-ta habarlama jazǵan. Habarlama 17:30-da, qyz qaitys bolǵan kezde jiberilgen. Biraq qyzdyń dosynyń sózinshe, habarlamany bireý oqyǵan.
Mariianyń tsirk qyzmetkeri tarapynan zorlyq-zombylyqqa ushyraǵany týraly qyzdyń basqa dostary da aitty. Olar muqiiat tergeýdi jáne qylmystyq is boiynsha "sýitsid" sózin alyp tastaýdy talap etip otyr.
9 qarashada Mariiany jerlegennen keiin "Shapito" tsirkiniń Instagram-daǵy resmi paraqshasynda nekrolog jazba paida bolǵan. Onda tsirk ujymy Mariianyń týystaryna kóńil aityp, qylmystyq is boiynsha tergeý aiaqtalǵanyn málimdegen.
Aita keteiik, "Shapito" tsirkiniń ártisi Mariia Katsýn Sátbaevta jumbaq jaǵdaida qaitys bolǵan edi. Sátbaev politseileri qyzdyń ólimin QR Qylmystyq kodeksiniń 105-baby "Ózin-ózi óltirýge deiin jetkizý" boiynsha tergep jatyr. Mariia tsirkpen birge Ulytaý oblysyna gastroldik saparmen barǵan.
