Almatydaǵy meiramhanalarda ózine qazaq tiline qyzmet kórsetpegenin aityp shaǵymdanǵan amerikalyq áieldiń videosy áleýmettik jelide tarady dep habarlaidy "Ult Aqparat".
"Osy aptada men Almatyda boldym. Kóp meiramhanalar men kafelerge bardym. Jáne men ár meiramhanada, ár kafede tek qazaq tilinde sóileimin. Biraq 18 meiramhananyń tek beseýinde ǵana menimen qaqaq tilinde sóilesti. Olar: Maharaja, Bógenbai batyrdaǵy Pastalavista, Dostyqtaǵy Atea, Del Capuchino jáne Capito. Basqalary men qazaq tilinde sóilessem de, olar orys tilinde jaýap berdi jáne meniń sózimdi arasynda túsinbedi", - deidi amerikalyq áiel.
Ol qazaq tilin úsh jyl boiy úirengenin jáne Qazaqstanda turyp, memlekettik tildi úirený qiynǵa soqqanyn aityp otyr.
"Qazaq tilin úirený kezinde maǵan qatty eńbekqor bolýǵa týra keldi. Almatyda eshkim menimen qazaqsha sóilespeidi. Astanada ondai emes. Astanadaǵy meiramhanaǵa barsam meniń orysqa uqsaityn túrime qarap, oryssha sóilei bastaidy, biraq men qazaqsha jaýap bergesin, olar da qazaq tilinde sóilesedi. Biraq Almatyda olai emes ekenin kórip, tańqaldym. Sebebi bul meiramhanadardyń barlyǵy tanymal. Nege olar maǵan qazaqsha sóileýge múmkindik bermeidi? Mysaly AUYL degen meiramhanada qazaqsha sóileýi kerek siiaqty, biraq qazaqsha qyzmet kórsetpeidi", - degen amerikalyq hanym óziniń Qazaqstanda turyp, memlekettik tildi sóileý quqyǵynan aiyrylǵanyn ádiletsizdik dep esepteidi.
