Sýret: Qorǵanys ministrliginiń baspasóz qyzmeti
2024 jyldyń qańtarynan bastap pilottyq joba aiasynda 17 jastaǵy balalardy áskeri esepke qoiý avtomatty túrde júrgiziledi, - dep habarlaidy "Ult aqparat" Qorǵanys ministrliginiń baspasóz qyzmetine silteme jasap.
Vedomstvo bastamasyn Premer-Ministr, múddeli memlekettik organdar, Astana jáne respýblikalyq mańyzy bar qalalar men oblystardyń ákimdikteri qoldaǵan.
"Ony iske asyrý memlekettik organdardyń aqparattyq júielerin modifikatsiialaý men yqpaldastyrýdyń arqasynda múmkin boldy. Bul elimizdiń 16-60 jas aralyǵyndaǵy azamattaryn áskeri esepke alýdyń tolyq qamtylyp júrgizilýine múmkindik berdi.
Qoldanystaǵy zańǵa sáikes jyl saiyn on jeti jasqa tolatyn er azamattardy tirkeý júrgiziledi. Mundai protsedýra áskeri qyzmetke jaramdylyq deńgeiin anyqtai alady.
Osyǵan bailanysty densaýlyq saqtaý uiymdary bir ailyq balalardan bastap 18 jasqa deiingi balalardy dinamikalyq baqylaýmen jáne saýyqtyrýmen profilaktikalyq meditsinalyq tekserýlerdi júzege asyrady. Bul rette jalpy praktika dárigerleri beiindi mamandardyń qorytyndysyn jáne zerthanalyq-diagnostikalyq zertteýlerdi eskere otyryp, 15 pen 18 jas aralyǵyndaǵy balalardyń densaýlyq jaǵdaiyna keshendi baǵalaý júrgizedi. Mundai derekter Densaýlyq saqtaý ministrliginiń Qorǵanys ministrligimen biriktirilgen aqparattyq júiesinde kórsetiledi" - delingen habarlamada.
Ministrlik málimetinshe, jyl saiyn 120 myńǵa jýyq 17 jasar bala áskeri esepke alynady. Qyzmetti avtomattandyrý shaqyrý ýchaskelerine tirkeýdi uiymdastyrý jáne júrgizý úshin jergilikti atqarýshy organdarǵa jyl saiyn bólinetin milliard teńgeden asa biýdjet qarajatyn únemdeýge múmkindik beredi. Al únemdelgen qarajat meditsinalyq komissiia múshelerine eńbekaqy tóleý, shalǵaidaǵy aýyldyq okrýgterden jastardy áskeri komissariattarǵa aldyrý, keńse taýarlary jáne t. b. qyzmetterge jumsalady.
