«Qazaqstan Respýblikasyndaǵy týristik qyzmet týraly» Qazaqstan Respýblikasynyń Zańyna sáikes Qazaqstan Respýblikasynyń aýmaǵynda kámeletke tolmaǵan jolaýshylardy áýemen tasymaldaý kezinde týristik ónimge qosylǵan bilet qunyn sýbsidiialaý qaǵidalary ázirlenip, bekitildi. Bul jaiynda Mádeniet jáne sport ministrligi málim etti, dep habarlaidy QazAqparat.
Qaǵidalar osy jyldyń 1 qańtarynan bastap qoldanylady.
Sýbsidiia otbasylyq aviatasymaldaýdy qoljetimdi etedi, ishki týrizmdi damytý úshin qosymsha yntalandyrý bolady.
Atalǵan shara:
1) erikti;
2) Qazaqstan Respýblikasynyń azamaty nemese Qazaqstan Respýblikasynda turaqty turýǵa ruqsaty bar, azamattyǵy joq tulǵa sanalatyn 17 jasty qosa alǵanǵa deiingi kámeletke tolmaǵan jolaýshyǵa qoljetimdi;
3) kámeletke tolmaǵan jolaýshynyń ata-anasymen nemese jaqyn týysymen ushýy kezinde qoldanylady;
4) Qazaqstan Respýblikasynyń búkil aýmaǵyna qoldanylady;
5) ishki týrizm salasyndaǵy týroperatorǵa ótkizilgen týristik ónimge engizilgen balalar aviabiletteriniń qunyn tóleý arqyly júzege asyrylady.
Balalar aviabiletterin sýbsidiialaý operatory- Kazakh Tourism UK AQ.
Balalardyń aviamen tegin ushýy úshin týrister týristik ónimdi satyp alý maqsatynda ishki týrizm salasyndaǵy týroperatorǵa júginýi jáne Qazaqstan Respýblikasynyń barlyq aýmaǵynda josparlanǵan demalys jasaýy qajet.
Tegin aviatasymaldaý ishki týrizm salasyndaǵy týroperatordyń qarajaty esebinen júrgiziledi.
Týristik ónimdi ótkizgennen keiin, balalar avibiletterine jumsalǵan somany qaitarý úshin ishki týrizm salasyndaǵy týroperator Kazakh Tourism UK AQ-ǵa ótinimmen jáne qajetti qujattarmen júginedi.
Mysaly:
2 eresek jáne 2 kámeletke tolmaǵan baladan (10 jáne 12 jas) turatyn otbasy Mańǵystaýda demalys ótkizýdi josparlady. Otbasy ishki týrizm salasyndaǵy týroperatordan 500 myń teńge turatyn týrónimdi, onyń ishinde barlyq otbasy músheleri úshin eki jaqqa ushýdy satyp aldy.
Ishki týrizm salasyndaǵy týroperator balalarǵa arnalǵan tegin aviatasymaldy usynady. Barlyǵy týrónim úshin tólenetin soma 400 myń teńgeni qurady (100 myń teńge balalar aviabiletteriniń qunynan shegerildi).
