QR Parlamenti Senaty depýtattaryn sailaýǵa 254,5 mln teńge qarjy jumsalady. Bul týraly QR Ortalyq sailaý komissiiasynyń hatshysy Sábila Mustafina aitty, dep habarlaidy QazAqparat.
QR OSK Senat depýtattaryn sailaýǵa qansha qarjy bólinetindigin jariialady
«QR Parlamenti Senatynyń depýtattaryn sailaýǵa respýblikalyq biýdjetten Ortalyq sailaý komissiiasyna 254,5 mln teńge bólindi. Respýblikalyq biýdjet qarajaty esebinen sailaý komissiialaryn uiymdastyrý jáne qyzmet shyǵyndary, tańdaýshy sanalatyn máslihat depýtattarynyń is-sapar jáne kólik shyǵyndary, sailaý naýqanyn uiymdastyrýǵa qajetti poligratsiialyq qyzmetter shyǵyndary jabylady. Sonymen qatar sailaý ýchaskelerin daiyndaý, buqaralyq aqparat quraldaryna aqparat taratý jáne ózge de shyǵyndar óteledi. Bul rette, respýblikalyq biýdjet qarajatynan qarjylandyrý osy maqsatta arnaiy ashylatyn esepshottar arqyly jergilikti atqarýshy organdardyń esebinen júzege asyrylady. Ortalyq sailaý komissiiasy árbir óńirge bóletin soma tańdaýshylardyń sanyna jáne Senat depýtattyǵyna kanditattardyń sanyna bailanysty bolady», - dedi ol.
Sábila Mustafinanyń aitýynsha, atalǵan qarajatqa aýmaqtyq sailaý komissiialary ielik etedi. Al Senat depýtattyǵyna kandidattardyń shyǵyndaryn qarjylandyrý somasy sál keiinirek Ortalyq sailaý komissiiasynyń basqa qaýlysymen aiqyndalatyn bolady. Jalpy, buǵan deiingi sailaý naýqanynda árbir kandidatqa 400 myńnan 600 myń teńgege deiin bólingen.
Aita keteiik, búgin Memleket basshysy Qasym-Jomart Toqaevtyń QR Parlamenti Senaty depýtattarynyń sailaýyn 2020 jylǵy 12 tamyzǵa taǵaiyndaý týraly qaýlysy shyqty.
