Búgin Úkimet otyrysynda QR Qarjy ministri Erulan Jamaýbaev qarjylyq baqylaýdyń nátijesin baiandady, dep habarlaidy QazAqparat.
«Memlekettik aýditke toqtalsaq, ótken 7 aida kameraldyq baqylaýmen somasy 7,5 trln teńgege 1 millionnan asa memlekettik satyp alý rásimi qamtyldy. Tekserý qorytyndylary boiynsha somasy 647 mlrd teńgege talaptardy buzý eskertildi. 933 aýditorlyq is-shara ótkizildi.
Aýditpen 543 mlrd teńge biýdjet qarajaty qamtyldy. Somasy 168 mlrd teńgege qarjylyq buzýshylyqtar anyqtaldy», - dedi ministr biylǵy jeti aidyń qorytyndysy boiynsha biýdjettiń atqarylý jaiynda esep berý barysynda.
Onyń sózine qaraǵanda, taýarlar jetkizilimin qalpyna keltirý, qyzmetter kórsetý jáne jumystardy oryndaý, biýdjetke óteý jáne esep boiynsha kórsetý jolymen 161,5 mlrd teńgege talapty buzý jaǵdaiy joiyldy.
«Aýdit obektileri qyzmetin jetildirý jáne tiimdiligin arttyrý úshin 834 usynym berildi. Onyń ishinde 691-i atqaryldy», - dep túsindirdi E. Jamaýbaev.
