Stegozavr – Soltústik Amerika, Aziia jáne Eýropada ómir súrgen dinozavrdyń bir túri. Alǵash ret onyń qańqasy Afrikadan tabylǵan. «Paleontologtar 168 million jyl buryn ómir súrgen stegozavr qańqasyn Marokkodan tapty» dep habarlaidy VVS.
«Keiingi Iýra kezeńinde ómir súrgen, shópti ósimdiktermen qorektenetin dinozavrdyń bul tipi Soltústik Afrika jerinde buryn-sońdy kezdespegen» delingen maqalada. Al paleontolog Siýzanna Maidment stegozavrdyń bul jańa túrin Adratiklit boulahfa dep atady, bul - berber tilinen aýdarǵanda «taýda ómir súretin kesirtke» degendi bildiredi.
«168 million jyl buryn ómir súrgen stegozavr qańqasy Marokkodaǵy Ortalyq Atlas taý jotasynan tabyldy» deidi S.Maidment.
Zertteýshilerdiń aitýynsha, keiingi Iýra kezeńinde ómir súrgen dinozavrdyń bul jańa tipi dinozavrlar evoliýtsiiasyn jete túsinýge kómektesedi. Sondai-aq basylym Jer ǵalamsharynda buryn eki sýperkontinent – Lavraziia men Gondvananyń bolǵanyn, mezozoi dáýirinde protokontinent Pangeianyń paida bolǵanyn jazady.
«Tireoforlar (stegozavrlar da osy tipke jatady) burynǵy zertteýler boiynsha Lavraziiada ǵana taralǵan. Alaida, 168 million jyl buryn ómir súrgen stegozavr qańqasynyń Marokkodan tabylǵany qalyptasqan bul teoriiany joqqa shyǵardy» deidi basylym.
Paleontolog S.Maidment: «Stegozavrlardyń basym kópshiligi, onyń ishinde eń úlken Sofi stegozavrynyń qańqasy Lavraziia territoriiasynan tabylǵan. Al jańa tabylǵan qańqa Gondvana jerinen anyqtalyp otyr. Iaǵni, Gondvana kontinenti tolyq zerttelmegen» dep qorytyndylady.
Aita keterligi, stegozavrlar tireofor otriadyna jatady. Olar 182,7-66,0 million jyl buryn ómir súrgen. Ulybritaniiada Orta Iýra dáýirinen Tómengi Borǵa deiingi kezeńde ómir súrgen alty urpaqtyń stegozavrlarynyń qaldyqtary tabylǵan bolatyn. Al britandyq stegozavrlardyń eń ejelgi tipi Orta Iýra kezeńiniń Bat dáýirine tiesili.
