ستەگوزاۆر – سولتٷستٸك امەريكا, ازييا جەنە ەۋروپادا ٶمٸر سٷرگەن دينوزاۆردىڭ بٸر تٷرٸ. العاش رەت ونىڭ قاڭقاسى افريكادان تابىلعان. «پالەونتولوگتار 168 ميلليون جىل بۇرىن ٶمٸر سٷرگەن ستەگوزاۆر قاڭقاسىن ماروككودان تاپتى» دەپ حابارلايدى ۆۆس.
«كەيٸنگٸ يۋرا كەزەڭٸندە ٶمٸر سٷرگەن, شٶپتٸ ٶسٸمدٸكتەرمەن قورەكتەنەتٸن دينوزاۆردىڭ بۇل تيپٸ سولتٷستٸك افريكا جەرٸندە بۇرىن-سوڭدى كەزدەسپەگەن» دەلٸنگەن ماقالادا. ال پالەونتولوگ سيۋزاننا مايدمەنت ستەگوزاۆردىڭ بۇل جاڭا تٷرٸن Adratiklit boulahfa دەپ اتادى, بۇل - بەربەر تٸلٸنەن اۋدارعاندا «تاۋدا ٶمٸر سٷرەتٸن كەسٸرتكە» دەگەندٸ بٸلدٸرەدٸ.
«168 ميلليون جىل بۇرىن ٶمٸر سٷرگەن ستەگوزاۆر قاڭقاسى ماروككوداعى ورتالىق اتلاس تاۋ جوتاسىنان تابىلدى» دەيدٸ س.مايدمەنت.
زەرتتەۋشٸلەردٸڭ ايتۋىنشا, كەيٸنگٸ يۋرا كەزەڭٸندە ٶمٸر سٷرگەن دينوزاۆردىڭ بۇل جاڭا تيپٸ دينوزاۆرلار ەۆوليۋتسيياسىن جەتە تٷسٸنۋگە كٶمەكتەسەدٸ. سونداي-اق باسىلىم جەر عالامشارىندا بۇرىن ەكٸ سۋپەركونتينەنت – لاۆرازييا مەن گوندۆانانىڭ بولعانىن, مەزوزوي دەۋٸرٸندە پروتوكونتينەنت پانگەيانىڭ پايدا بولعانىن جازادى.
«تيرەوفورلار (ستەگوزاۆرلار دا وسى تيپكە جاتادى) بۇرىنعى زەرتتەۋلەر بويىنشا لاۆرازييادا عانا تارالعان. الايدا, 168 ميلليون جىل بۇرىن ٶمٸر سٷرگەن ستەگوزاۆر قاڭقاسىنىڭ ماروككودان تابىلعانى قالىپتاسقان بۇل تەورييانى جوققا شىعاردى» دەيدٸ باسىلىم.
پالەونتولوگ س.مايدمەنت: «ستەگوزاۆرلاردىڭ باسىم كٶپشٸلٸگٸ, ونىڭ ٸشٸندە ەڭ ٷلكەن سوفي ستەگوزاۆرىنىڭ قاڭقاسى لاۆرازييا تەرريتوريياسىنان تابىلعان. ال جاڭا تابىلعان قاڭقا گوندۆانا جەرٸنەن انىقتالىپ وتىر. ياعني, گوندۆانا كونتينەنتٸ تولىق زەرتتەلمەگەن» دەپ قورىتىندىلادى.
ايتا كەتەرلٸگٸ, ستەگوزاۆرلار تيرەوفور وتريادىنا جاتادى. ولار 182,7-66,0 ميلليون جىل بۇرىن ٶمٸر سٷرگەن. ۇلىبريتانييادا ورتا يۋرا دەۋٸرٸنەن تٶمەنگٸ بورعا دەيٸنگٸ كەزەڭدە ٶمٸر سٷرگەن التى ۇرپاقتىڭ ستەگوزاۆرلارىنىڭ قالدىقتارى تابىلعان بولاتىن. ال بريتاندىق ستەگوزاۆرلاردىڭ ەڭ ەجەلگٸ تيپٸ ورتا يۋرا كەزەڭٸنٸڭ بات دەۋٸرٸنە تيەسٸلٸ.
