Aqmola oblysynyń Stepnogorsk qalasynda prokýratýra tekserisi barysynda kámeletke tolmaǵan balalardyń jeke derekteriniń zańsyz jariialanǵany anyqtaldy, dep habarlaidy ult.kz.
Qadaǵalaý organynyń málimetinshe, birqatar mektepter men bilim bóliminiń internet-resýrstarynda 165 oqýshyǵa qatysty qujattar ashyq qoljetimdilikte ornalastyrylǵan. Onda balalardyń tegi, aty-jóni, bilim alatyn orny jáne áleýmettik mártebesi týraly málimetter kórsetilgen.
Jariialanǵan tizimde kópbalaly jáne az qamtylǵan otbasylardan shyqqan, sondai-aq qorǵanshylyqtaǵy balalar týraly derekter de bolǵan. Prokýratýra mundai aqparattyń erkin taralýy balalardyń quqyqtary men qaýipsizdigine qater tóndiretinin atap ótti.
Qadaǵalaý aktisi negizinde zańbuzýshylyqtar joiylyp, kámeletke tolmaǵandardyń derbes derekteri internetten alynyp tastaldy. Kináli laýazymdy tulǵalar tártiptik jaýapkershilikke tartyldy.
Prokýratýra balalardyń quqyqtaryn qorǵaý jáne derbes derekter týraly zańnamanyń saqtalýy turaqty baqylaýda ekenin málimdedi.
