Foto: Todayinfo.kz
Akter ári ázilkesh Jahan Otarǵaliev jaqyn dosy ári áriptesi Eldos Kolobokty áke atanýymen shyn júrekten quttyqtap, áleýmettik jelide áserli jazba qaldyrdy, dep habarlaidy Ult.kz POLITICO.KZ saityna silteme jasap.
Ol bul qýanyshty sátti úlken shabytpen qabyldap, ómirdegi eń úlken baqyttyń mánin óz sózderimen jetkizdi.
Jahan áke bolýdyń qadiri men jaýapkershiligi týraly oi bólisip, bylai dedi:
"Bul ómirde óz urpaǵyń baryn seziný – eń uly baqyt. Balamen birge ýaqyt ótkizý, ony mektepke aparý… Bul ómirde odan asqan baqyt joq. Dostar, balalaryńyz bolsa, dál qazir bárin tastap, balalaryńyzben ýaqyt ótkizińizshi."
Ol óziniń de osyndai sátti kópten beri kútip júrgenin aityp, ata-ana bolýdyń qundylyǵyn erekshe atap ótti:
"Ózim sol sátti kútip júrgenime 16 jyl bolypty. Balasy bola tura qaramai, tastap ketetin ákelerdi múldem túsine almaimyn. Nege basyńyzǵa qonǵan baqty baǵalamaisyz?"
Ázilkesh dosyna degen rizashylyǵyn bildirip, shyn júrekten jyly tilek arnady:
"Eldos baýyrym, sen úshin shyn júrekten qýanyshtymyn. Alla berekesin bersin, baýyrymmm! Meni jaqsy túsinetin jalǵyz sen ediń… Qandai jaǵdai bolsa da, álhamdýlilliah!"
Jazbasynyń sońynda ol barlyq ata-analarǵa oi tastap, balaly bolýdyń eń úlken nyǵmet ekenin eske saldy:
"Urpaǵy bar jandar, bilińizder — siz eń baqytty jansyz!" — dep túiindedi akter.
Aita keteiik, belgili bloger "Eldos Kolobok" uzaq jyldan keiin áke atandy.
