Quryltai otyrysynda «Ádilet» partiiasy fraktsiiasynyń múshesi Janarbek Áshimjan 16 jasqa deiingi balalardyń áleýmettik jelilerge tirkelýin zańmen shekteýdi usyndy, dep habarlaidy ult.kz.
Depýtat bul týraly Premer-ministr Oljas Bektenovke joldaǵan depýtattyq saýalynda aitty.
Onyń sózinshe, áleýmettik jelini shamadan tys paidalaný balalardyń oqýyna, kitap oqýyna, sportpen ainalysýyna jáne otbasymen qarym-qatynasyna keri áser etýi múmkin.
«Sondyqtan 16 jasqa deiingi balalardyń áleýmettik jelige tirkelýin shekteý, jeke derekteriniń qaýipsizdigin kúsheitý jáne mektepterde tsifrlyq gigiena men mediasaýatty júieli túrde oqytýdy usynamyz», – dedi Janarbek Áshimjan.
Sonymen qatar depýtat zań qabyldaýmen shektelmei, áleýmettik jelilerde qoldanýshynyń jasyn anyqtaý, balalardyń jeke derekterin qorǵaý jáne jalǵan akkaýnttar arqyly shekteýdi ainalyp ótýge jol bermeý tetikterin qarastyrýdy usyndy.
