Qazaqstandyq aýyr atlet Nadejda Li Meksikada jasóspirimder arasynda ótip jatqan Álem chempionatynyń kúmis júldegeri atandy, dep habarlaidy Vesti.kz.
64 kelige deiingiler arasynda synǵa túsken 15 jastaǵy otandasymyz qossaiys qorytyndysy boiynsha 190 (85+105) kelini baǵyndyrdy.
Kolýmbiialyq Ingrid Vanesa Segýro Grýeso (94+117) jeńis tuǵyrynyń biik satysyna kóterildi. Al Venesýeladan kelgen Keili Karolina Silva Fernandez (84+103) bolsa qola júldemen marapattaldy.
Eske salaiyq, osyǵan deiin Atlant muhitynyń ar jaǵyndaǵy jarysta Erasyl Sáýlebekov (67 keli), Edige Emberdi (73 keli) jáne Denis Polýboiarinov (81 keli) qurama qorjynyna altyn salsa, Erasyl Omarov (55 keli) pen Aleksandra Belenko (40 keli) qola medalmen marapattaldy.
