15 sáýirden bastap Almaty oblysynda karantin rejimi engiziledi, dep habarlaidy CORONAVIRUS2020.KZ.
Almaty oblysynyń Bas memlekettik sanitarlyq dárigeriniń qaýlysyna sáikes kelesi shekteýler engiziledi:
• shet memleketterden kelgen Almaty oblysynyń turǵyndaryn;
• júkterdi, onyń ishinde tranzittik júkterdi tasymaldaityn adamdar men kólikterdi qospaǵanda, oblys aýmaǵyna basqa óńirlerden adamdar men kóliktiń kirýine tyiym salý.Buǵan deiin basqa óńirlerge ketken Almaty oblysynyń turǵyndary oblys aýmaǵyna biylǵy 15 sáýir kúngi saǵat 00:00-ge deiin kire alady.
Adamdardy tasymaldaýmen ainalysatyn azamattyq áýejailardyń, aýdandyq, qalalyq avtovokzaldardyń, avtostantsiialardyń qyzmetin ýaqytsha toqtatý, resmi taksi qyzmetterin qospaǵanda, qalaaralyq, aýdanaralyq avtobýs qatynastaryna, sondai-aq jeke tasymaldaýǵa tyiym salý, al áskeri áýejailarǵa jolaýshylar borttaryn qabyldaýǵa tyiym salynady;
Azyq-túliktik emes maqsattaǵy saýda nysandarynyń, biznes ortalyqtarynyń, internet jáne kompiýterlik klýbtardyń, oiyn oryndarynyń, azyq-túlik bazarlarynyń (et pavilondarynan basqa) jáne azyq-túliktik emes bazarlardyń jumysyn toqtata turý, jármeńkeler, kóshe saýdasyn boldyrmaý;
menshik nysanyna qaramastan mektepke deiingi balalar mekemeleriniń qyzmetin toqtata turý;
halyqtyń kóptep jinalatyn oryndaryna (saiabaqtar, jaǵalaý, skverler, sport alańdary, úi janyndaǵy balalar alańdary) barýǵa tyiym salý;
dini maqsattaǵy obektilerdiń (meshitter, shirkeýler, birlestikter jáne t. b.) qyzmetin toqtata turý).
