Foto: mysl.kazgazeta.kz
Qazaqstanda 2011 jyly Eýropalyq Valentin kúnine balamaly mereke – «Ulttyq ǵashyqtar kúni» paida boldy. Ol merekeniń birinshi jylynda Almatyda qazaq stilinde mereke ótkizý ideiasyn úlken qýanyshpen qabyldady jáne úlken fleshmob uiymdastyrdy, – dep habarlaidy «Ult aqparat».
Degenmen, tájiribe kórsetkendei, jastar úshin mahabbat sózderin qashan jáne jylyna qansha ret aitý mańyzdy emes. Al biyl 24kz arnasynyń habarlaiynsha, Qozy Kórpesh – Baian sulý" – ǵashyqtar kúnine orai, qazaq kinosynyń marjanyna ainalǵan "Qyz Jibek" filmi úlken ekranǵa oraldy. Jarty ǵasyrdan beri syry ketse de, syny ketpegen klassikalyq kartinanyń jabyq kórsetilimi Halyk IMAX Kinopark16 kinoteatrynda ótti.
Saltanatty sharaǵa Merýert Ótekesheva men Asanáli Áshimov qatysty. Kórsetilimnen túsken qarjy qaiyrymdylyqqa jumasalady.
"Qyz Jibek" jyry men filmi – qazaq óneriniń shoqtyǵy biik týyndysy. Alǵash ret 1970 jyly jaryq kórgen týyndy uzaq jyldardan keiin úlken ekranda kórermenimen qaýyshty. Búginnen bastap elimizdegi barlyq Kinopark & Kinoplexx kinoteatrlarynan kórsetiledi. Bul kinojoba "Qozy Kórpesh – Baian sulý" – ǵashyqtar kúnine arnalǵan.
"Qyz Jibek" filmi – klassika. Baiaǵyda bizdiń Sultan aǵamyz rejisser osy filmdi qoiyp, jalpy mynaý, qarańyzshy, Ǵabit Músirepov stsenarii jazǵan. Mynaý mýzykany kim jazǵan? Nurǵisa Tilendiev. Búkil kostiýmderin tikken, dekoratsiia bizdiń Gýlfairýz Ismailova", - deidi Merýert Ótekeshova.
Klassikalyq kartina tórt kún kórsetiledi. Osy ýaqyt aralyǵynda jinalǵan qarajat elimizdegi sý basqan óńirlerge áleýmettik kómek retinde aýdarylady. Igi bastamaǵa kez kelgen turǵyn kino kórý arqyly atsalysa alady.
"Kinony televizordan kórý bar, al ekrannan kórý múldem basqa. Sondyqtan da osy bir áserdi qaitadan kórermenderge syilaý baǵytynda biz osy jobany jasadyq jáne bul tek qana basy ǵana. Biz árbir maýsym saiyn qazaqtyń altyn qoryndaǵy kinolardy búkil Qazaqstan boiynsha osy Kinopark & Kinoplexx kinoteatrlarynan kórsetip turatyn bolamyz", - dedi "Qazaqfilm" AQ prezidenti Azamat Satybaldy.
Aita keteiik, Qozy men Baian kúnin alǵash 1999 jyly qoǵam jáne memleket qairatkeri Darhan Myńbai usynǵan edi. Ol jastar uiymdary, oqý oryndary men buqaralyq aqparat quraldaryn ulttyq ǵashyqtar kúnin merekeleýge shaqyrdy. Darhan Myńbaidyń bastamasy kóptiń kóńilinen shyqqany ras, biraq merekeniń naqty datasy kópke deiin belgilenbei, ár óńir ártúrli toilai bastady.
2011 jyly Almaty ákimdiginiń jastar saiasaty basqarmasy 15 sáýirdi – Ulttyq ǵashyqtar kúni retinde ózderiniń resmi sharalarynyń qataryna qosty. Al 2012 jyly elordadaǵy Seifýllin atyndaǵy Qazaq agrotehnikalyq ýniversitetiniń stýdentteri mahabbat kúnin qazaqtyń ulttyq "Aqsúiek "oiynymen jańǵyrtyp, jastar oiyn-saýyǵyn uiymdastyrdy. Dál sol jyly Kókshetaýdyń erikti jastary da Qozy men Baian kúnin Táýelsizdik alańynda atap ótti. Sodan beri qos ǵashyqtyń kirshiksiz sezimin dáriptep, ulttyq mádenietimiz ben salt-dástúrimizge negizdelgen merekeni toilaityn jastardyń sany birtindep artyp keledi.
