Atyraý oblysynda politsiia qyzmetkeri joǵalyp ketken 7 jasar balany nebári 15 minýt ishinde taýyp, ata-anasyna aman-esen tapsyrdy, dep habarlaidy Ult.kz.
Oqiǵa 10 mamyr kúni shamamen saǵat 17:30-da Mahambet aýdanynda bolǵan. Qoǵamdyq tártipti qamtamasyz etý barysynda ýchaskelik politsiia inspektory Almas Qamidollin kóshede eresekterdiń qaraýynsyz jalǵyz júrgen balany baiqaidy.
Politsei birden balanyń qaýipsizdigin qamtamasyz etip, onymen sóilesý arqyly mán-jaidy anyqtaǵan. Belgili bolǵandai, búldirshin úiinen shyǵyp ketip, jaqyndaryn taba almai qalǵan.
Aldyn ala derekke sáikes, anasy úide kishi balasyna alańdap júrgende úlken balasynyń syrtqa shyǵyp ketkenin baiqamai qalǵan. Osydan keiin politsiia qyzmetkeri jedel túrde balanyń turǵylyqty mekenjaiyn anyqtap, ata-anasyn izdestirýge kirisken.
Nátijesinde nebári 15 minýt ishinde, shamamen saǵat 17:45-te, bala úiine jetkizilip, anasyna tabystaldy.
Politsiia ata-analarǵa balalardy qaraýsyz qaldyrmaýǵa jáne olardyń qaýipsizdigin únemi baqylaýda ustaýǵa shaqyrdy.
