Foto: t.me/mazhilis_kz
Májiliste QR eldi mekenderine arnalǵan óńirlik standarttar júiesi týraly Úkimet saǵaty ótti. "AMANAT" partiiasy fraktsiiasynyń depýtaty Maqsat Tolyqbai Almaty oblysynda 15 million teńgege satylyp ketken mekteptiń máselesin kóterdi, dep habarlaidy Massaget.kz portaly.
"Sizderge bir sumdyqty aitaiyn, biz qazir bar mekteptiń ózin satyp jatyrmyz. Almaty oblysy Qarasai aýdany Shalqar aýylynda Lomonosov atyndaǵy 250 balaǵa arnalǵan orta mektep bolǵan. Keiingi jyldary tolyǵymen kapitaldy remont jasaldy, jańadan sport zalyn saldy. Aýyl balalary qýanyp júrgende sol aýyldyń mektebin jekeniń qolyna satyp jibergen. Kim satady? Árine, ákimdikten basqa kim satady? Ol bireýden alǵan, 15 mln teńgege satqan, odan tizbektelip, ári qarai 80 mln teńgege basqa bireýge satqan. Bul máseleni Prokýratýraǵa aityp, qaida qarap otyrǵanyn suradym. Olar shamamyz kelmeidi, sot shaǵymymyzdy qabyldamaidy dep otyr", - dedi Tolyqbai.
Depýtat mektepti qaitarýǵa 2 ai ýaqyt beretinin, áitpese barlyq kináli adamdardy anyqtaitynyn aitty.
"Sol aýyldaǵy qulaiyn dep turǵan úidiń ózi 17 million teńge turady. Bir úlken mektepti 15 million teńgege satyp jiberý degen sumdyq nárse ǵoi. Almaty oblysynyń ákimi, bul qai ákim tusynda qalai satylǵanyn anyqtaý ońai emes, bárin bilip otyrmyz. Tez arada qaitaryńyzdar. Áitpese búkil familiianyń sońyna jetem, eki ai ýaqyt beremiz", – dedi Maqsat Tolyqbai.
