Almatynyń bas sanitarlyq dárigeri Jandarbek Bekshin qalada kinoteatrlar ashylady degen aqparatty joqqa shyǵardy, dep habarlaidy "Ult aqparat".
Onyń aitýynsha, búgingi tańda Almaty qalasynda koronavirýs infektsiiasynyń 3005 oqiǵasy tirkeldi. Juqtyrýdyń negizgi kózi – adamdar kóp jinalatyn oryndar. Olardyń arasynda kinoteatrlar bar.
«Áleýmettik jelilerde 15 maýsymnan bastap Almaty qalasynda kinoteatrlar ashylady» degen aqparattyń taraýyna bailanysty, onyń shyndyqqa janaspaitynyn resmi túrde habarlaimyz. Almatyda koronavirýs infektsiiasynyń tirkelý jiiligi báseńdemei turǵandyqtan, qazirgi ýaqytta qala aýmaǵyndaǵy kinoteatrlardyń jumysyna ruqsat berý máselesi qaralǵan joq«, - dedi Almaty qalasynyń bas memlekettik sanitar dárigeri J.Bekshin.
Aita keteiik, áleýmettik jelide kinoteatrlar 15 maýsymnan bastap jumysyn qaita bastaityny týraly aqparat tarady.
