1,4 mln qazaqstandyq tumaýǵa qarsy ekpe saldyrǵan, dep habarlaidy QazAqparat.
Bul týraly QR Densaýlyq saqtaý ministri Alesei Tsoi Úkimet otyrysynda málim etti.
«Halyqty koronavirýs infektsiiasyna qarsy vaktsinalaý jalǵasýda. Vaktsinatsiia jospary qaita qaraldy jáne búgingi kúni shamamen 11,4 mln adamdy quraidy.
Birinshi komponent boiynsha 8,0 millionnan astam adam ekpe aldy. Bul vaktsina alýǵa tiisti halyqtyń 70,7%-y nemese jalpy halyqtyń 42,7%-y degen sóz. Ekinshi komponent boiynsha ekpe alýǵa tiisti halyqtyń 63%-y nemese jalpy halyqtyń 38%-y qamtylyp, 7,1 million adam ekpe qabyldady», - degen Aleksei Tsoi tumaýǵa qarsy vaktsinatsiia qalai júrip jatqanyna da toqtaldy.
«Tumaýǵa qarsy vaktsinatsiia jalǵasýda. Búgingi tańda shamamen 1 mln 380 myń adam nemese tiisti halyqtyń 54,5% egildi. Vaktsinatsiiamen respýblikalyq kórsetkishten joǵary qamtý 7 óńirde baiqalady. Onyń ishinde Túrkistan tumaýǵa qarsy vaktsinamen tiisti halyqtyń 85%-y, Nur-Sultan, Shymkent qalalary men Aqmola jáne Qyzylorda oblystarynda 60%-dan astamy, Almaty qalasynda jáne Shyǵys Qazaqstan oblysynda 55%-dan astamy qamtylǵan», - dedi vedomstvo basshysy.
