1,4 mln qazaqstandyq ataýly áleýmettik kómek alady. Bul týraly búgin QR Eńbek jáne halyqty áleýmettik qorǵaý ministri Berdibek Saparbaev aitty, dep habarlaidy QazAqparat tilshisi.
"Ataýly áleýmettik kómek alý sharttarynyń biri eger otbasydan jumysqa qabiletti tulǵa bolsa, onda áleýmettik kelisimshart jasaý bolyp sanalady. Búgingi kúni Qazaqstan boiynsha ataýly áleýmettik kómekti 1,4 mln adam alady. Bul shamamen 285 myń otbasy", - dedi ministr Ortalyq kommýnikatsiialar qyzmetindegi brifingte.
Berdibek Saparbaevtyń aitýynsha, olardyń ishinde 385 myń adam jumys isteýge qabiletti.
"Olar áleýmettik kelisimshart jasasyp, jumys isteýleri tiis. Jumys jergilikti jerlerde usynylady. Biz bos jumys oryndary men jumys surap júrgen tulǵalar sanyn saraptaǵan edik. Bos jumys oryndary kóp bolyp shyqty. Eger qazirgi ýaqytta ataýly áleýmettik kómekke 110 myń teńge alyp, usynylǵan jumys jalaqysy 80-90 myń teńge bolsa, onda sol jumysqa barýǵa kelisý qajet", - dedi ol.
