Foto: Turkystan.kz
Búgin – 14 aqpan, Halyqaralyq kitap syilaý kúni. Aitýly dataǵa orai Qazaqstan Jazýshylar odaǵy Basqarmasynyń tóraǵasy Mereke Qulkenov qalamgerler men oqyrmandardy merekemen quttyqtady, dep habarlaidy Ult.kz.
Quttyqtaýynda ol kitapty adamzattyń asyl qazynasy, ulttyń rýhani jadyn saqtaityn kieli mura retinde atap ótti. Sondai-aq uly oishyl Abai Qunanbaiulydyń «Artyq ǵylym kitapta» degen sózin keltirip, bilim men parasattyń qainary kitapta ekenin jetkizdi.
Mereke Qulkenovtiń aitýynsha, bul kún – tek kitap tartý etý merekesi ǵana emes, izgilik pen meiirimdi, bilim men rýhani qundylyqtardy nasihattaityn erekshe data. Ol oqyrmandardy bir-birine kitap syilaýǵa, balalardyń kitapqa qyzyǵýshylyǵyn arttyrýǵa jáne kitaphanalarǵa qoldaý kórsetýge shaqyrdy.
«Kitap – eń qymbat syi, eń mándi mura. Rýhaniiatymyz bai, oqyrmanymyz kóp bolsyn!» delingen quttyqtaýda.
