Táýelsizdik merekesi qarsańynda Aqmola oblysynda bir top tártip saqshysy marapattaldy. Onyń ishinde Kókshetaýda órt kezinde 14 adamdy qutqarǵan eki aǵa leitenantyna gramota tapsyryldy, dep habarlaidy "Ult aqparat" oblystyq PD baspasóz qyzmetine silteme jasap.
Sharada qoǵamdyq tártip pen zańdylyqty saqtaýǵa zor úles qosqan politsiia qyzmetkerlerin quttyqtap, marapattaǵan vedomstvo basshysy QR Ishki ister ministriniń quttyqtaý jedel hatyn oqyp berdi.
«Saltanatty sharada ekstremaldy jaǵdaida erlik pen biliktilik tanytqan tártip saqshylary departament basshysynyń gramotalarymen marapattaldy. Onyń ishinde Kókshetaýda órt kezinde 14 adamdy qutqarǵan politsiianyń aǵa leitenantary Oljas Álpeiisov pen Ersaiyn Elýbaev bar. Sonymen birge, jas tártip saqshylary - Kókshetaý qalalyq politsiia basqarmasynyń tergeýshisi, politsiia leitenanty Aibek Rahimov pen PD Ákimshilik politsiia bóliminiń inspektory, politsiia leitenanty Timýr Shaihinovtyń ata-anasyna Alǵys hat joldandy» dedi vedomstvodan.
Budan bólek, 10 tártip saqshysyna «Quqyq tártibin qamtamasyz etýge qosqan úlesi úshin» medali men «Ishki ister organdarynyń úzdigi» tósbelgisi, QR IIM Alǵys haty men gramotasy tapsyryldy.
Aita keteiik, jeltoqsannyń 12-da Kókshetaý qalasynda órt bolyp, oqiǵa ornyna birinshi jetken tártip saqshylary Oljas Álpeiisov pen Ersaiyn Elýbaev 14 adamdy qutqardy, onyń tórteýi - bala.
