تەۋەلسٸزدٸك مەرەكەسٸ قارساڭىندا اقمولا وبلىسىندا بٸر توپ تەرتٸپ ساقشىسى ماراپاتتالدى. ونىڭ ٸشٸندە كٶكشەتاۋدا ٶرت كەزٸندە 14 ادامدى قۇتقارعان ەكٸ اعا لەيتەنانتىنا گراموتا تاپسىرىلدى, دەپ حابارلايدى "ۇلت اقپارات" وبلىستىق پد باسپاسٶز قىزمەتٸنە سٸلتەمە جاساپ.
شارادا قوعامدىق تەرتٸپ پەن زاڭدىلىقتى ساقتاۋعا زور ٷلەس قوسقان پوليتسييا قىزمەتكەرلەرٸن قۇتتىقتاپ, ماراپاتتاعان ۆەدومستۆو باسشىسى قر ٸشكٸ ٸستەر مينيسترٸنٸڭ قۇتتىقتاۋ جەدەل حاتىن وقىپ بەردٸ.
«سالتاناتتى شارادا ەكسترەمالدى جاعدايدا ەرلٸك پەن بٸلٸكتٸلٸك تانىتقان تەرتٸپ ساقشىلارى دەپارتامەنت باسشىسىنىڭ گراموتالارىمەن ماراپاتتالدى. ونىڭ ٸشٸندە كٶكشەتاۋدا ٶرت كەزٸندە 14 ادامدى قۇتقارعان پوليتسييانىڭ اعا لەيتەنانتارى ولجاس ەلپەيٸسوۆ پەن ەرسايىن ەلۋباەۆ بار. سونىمەن بٸرگە, جاس تەرتٸپ ساقشىلارى - كٶكشەتاۋ قالالىق پوليتسييا باسقارماسىنىڭ تەرگەۋشٸسٸ, پوليتسييا لەيتەنانتى ايبەك راحيموۆ پەن پد ەكٸمشٸلٸك پوليتسييا بٶلٸمٸنٸڭ ينسپەكتورى, پوليتسييا لەيتەنانتى تيمۋر شايحينوۆتىڭ اتا-اناسىنا العىس حات جولداندى» دەدٸ ۆەدومستۆودان.
بۇدان بٶلەك, 10 تەرتٸپ ساقشىسىنا «قۇقىق تەرتٸبٸن قامتاماسىز ەتۋگە قوسقان ٷلەسٸ ٷشٸن» مەدالٸ مەن «ٸشكٸ ٸستەر ورگاندارىنىڭ ٷزدٸگٸ» تٶسبەلگٸسٸ, قر ٸٸم العىس حاتى مەن گراموتاسى تاپسىرىلدى.
ايتا كەتەيٸك, جەلتوقساننىڭ 12-دا كٶكشەتاۋ قالاسىندا ٶرت بولىپ, وقيعا ورنىنا بٸرٸنشٸ جەتكەن تەرتٸپ ساقشىلارى ولجاس ەلپەيٸسوۆ پەن ەرسايىن ەلۋباەۆ 14 ادامدى قۇتقاردى, ونىڭ تٶرتەۋٸ - بالا.
