Almaty qalasynyń №2 Medeý aýdyndyq sotynda qylmystyq toptyń múshesi A.V.Kosyrkovqa qatysty úkim shyqty, dep habarlaidy "Ult aqparat" Sybailas jemqorlyqqa qarsy qyzmetke silteme jasap.
Ol 2014 jylǵy naýryz – 2015 jylǵy aqpan aralyǵynda S.Iu.Ilin basqarǵan uiymdasqan qylmystyq toptyń quramynda bolǵan.
«Kosyrkov «Ilin» qylmystyq toby men Almaty qalasy salyq departamenti bastyǵynyń burynǵy orynbasary E.J.Jeksembinovtiń arasynda paraqorlyqqa deldal bolǵan. Bul para departament bastyǵynyń burynǵy orynbasaryna jalǵan kásipkerlik qyzmetke qamqorlyǵy úshin berilgen. Osyǵan bailanysty Kosyrkov kináli dep tanyldy. Berilgen paranyń jalpy somasy - 135 000 AQSh dollary» delingen habarlamada.
Kosyrkovqa memleketaralyq izdeý jariialanyp, ol Resei Federatsiiasynyń aýmaǵynda ustaldy.
Sot úkimimen Kosyrkov 5 jylǵa bas bostandyǵynan aiyryldy.
Buǵan deiin habarlanǵandai, 2016 jyly qylmystyq uiym qatysýshylary, sonyń ishinde Almaty qalasy qarjy politsiiasynyń burynǵy bastyǵy, general Amanbaevqa da túrli jaza túrleri taǵaiyndalǵan bolatyn.
