الماتى قالاسىنىڭ №2 مەدەۋ اۋدىندىق سوتىندا قىلمىستىق توپتىڭ مٷشەسٸ ا.ۆ.كوسىركوۆقا قاتىستى ٷكٸم شىقتى, دەپ حابارلايدى "ۇلت اقپارات" سىبايلاس جەمقورلىققا قارسى قىزمەتكە سٸلتەمە جاساپ.
ول 2014 جىلعى ناۋرىز – 2015 جىلعى اقپان ارالىعىندا س.يۋ.يلين باسقارعان ۇيىمداسقان قىلمىستىق توپتىڭ قۇرامىندا بولعان.
«كوسىركوۆ «يلين» قىلمىستىق توبى مەن الماتى قالاسى سالىق دەپارتامەنتٸ باستىعىنىڭ بۇرىنعى ورىنباسارى ە.ج.جەكسەمبينوۆتٸڭ اراسىندا پاراقورلىققا دەلدال بولعان. بۇل پارا دەپارتامەنت باستىعىنىڭ بۇرىنعى ورىنباسارىنا جالعان كەسٸپكەرلٸك قىزمەتكە قامقورلىعى ٷشٸن بەرٸلگەن. وسىعان بايلانىستى كوسىركوۆ كٸنەلٸ دەپ تانىلدى. بەرٸلگەن پارانىڭ جالپى سوماسى - 135 000 اقش دوللارى» دەلٸنگەن حابارلامادا.
كوسىركوۆقا مەملەكەتارالىق ٸزدەۋ جارييالانىپ, ول رەسەي فەدەراتسيياسىنىڭ اۋماعىندا ۇستالدى.
سوت ٷكٸمٸمەن كوسىركوۆ 5 جىلعا باس بوستاندىعىنان ايىرىلدى.
بۇعان دەيٸن حابارلانعانداي, 2016 جىلى قىلمىستىق ۇيىم قاتىسۋشىلارى, سونىڭ ٸشٸندە الماتى قالاسى قارجى پوليتسيياسىنىڭ بۇرىنعى باستىعى, گەنەرال امانباەۆقا دا تٷرلٸ جازا تٷرلەرٸ تاعايىندالعان بولاتىن.
