Almatyda qutqarýshylar iri órtti sóndirdi, - dep habarlaidy Tengrinews.kz QR IIM Tótenshe jaǵdailar jónindegi komitettiń resmi ókili Rýslan Imanqulovqa silteme jasap.
Órttiń Astana ýaqyty boiynsha saǵat 10.46-da aýyzdyqtalǵany aitylady.
"Órttiń aýmaǵy - 17 380 sharshy metr. Tikushaqtyń kómegimen 44 ret sý quiyldy. Órt 132 tonna sýdyń kómegimen sóndirildi. Zardap shekkender joq", - dep habarlady Rýslan Imanqulov.
Eske sala keteiik, osyǵan deiin Almatyda Qulja tasjolynda qoimalardyń órtenip jatqany habarlanǵan bolatyn. Órt 28 maýsymda shamamen tańǵy saǵat 06.00-de bastalǵan. Almaty qalalyq TJD "101" pýltine Túrksib aýdany, Qairat yqshamaýdany, Táttimbetov kóshesi, № 282 úidegi qoima ǵimarattarynan órt shyqqany jaily habarlama túsken. Órt sóndirýshiler oqiǵa ornynda jumys istep jatyr. Angarlyq tiptegi qoimalardan órt shyqqan edi.
