الماتىدا قۇتقارۋشىلار ٸرٸ ٶرتتٸ سٶندٸردٸ, - دەپ حابارلايدى Tengrinews.kz قر ٸٸم تٶتەنشە جاعدايلار جٶنٸندەگٸ كوميتەتتٸڭ رەسمي ٶكٸلٸ رۋسلان يمانقۇلوۆقا سٸلتەمە جاساپ.
ٶرتتٸڭ استانا ۋاقىتى بويىنشا ساعات 10.46-دا اۋىزدىقتالعانى ايتىلادى.
"ٶرتتٸڭ اۋماعى - 17 380 شارشى مەتر. تٸكۇشاقتىڭ كٶمەگٸمەن 44 رەت سۋ قۇيىلدى. ٶرت 132 توننا سۋدىڭ كٶمەگٸمەن سٶندٸرٸلدٸ. زارداپ شەككەندەر جوق", - دەپ حابارلادى رۋسلان يمانقۇلوۆ.
ەسكە سالا كەتەيٸك, وسىعان دەيٸن الماتىدا قۇلجا تاسجولىندا قويمالاردىڭ ٶرتەنٸپ جاتقانى حابارلانعان بولاتىن. ٶرت 28 ماۋسىمدا شامامەن تاڭعى ساعات 06.00-دە باستالعان. الماتى قالالىق تجد "101" پۋلتٸنە تٷركسٸب اۋدانى, قايرات ىقشاماۋدانى, تەتتٸمبەتوۆ كٶشەسٸ, № 282 ٷيدەگٸ قويما عيماراتتارىنان ٶرت شىققانى جايلى حابارلاما تٷسكەن. ٶرت سٶندٸرۋشٸلەر وقيعا ورنىندا جۇمىس ٸستەپ جاتىر. انگارلىق تيپتەگٸ قويمالاردان ٶرت شىققان ەدٸ.
