Densaýlyq saqtaý ministrligi koronavirýs infektsiiasyna monitoring júrgizýdi 2022 jyldan beri JRVI jáne tumaý boiynsha qoldanystaǵy epidqadaǵalaý júiesine engizdi.
Monitoring qazirgi tańda elde respiratorly virýstar, sonyń ishinde koronavirýs baiqalatynyn kórsetti. Osy jyldyń basynan beri koronavirýstyń 1290 jaǵdaiy tirkeldi. Alaida aýrýdan qaza bolǵandar joq.
"JRVI, virýsty pnevmoniia jáne koronavirýs juqtyryp aýrýhanaǵa túskender joq. Bul koronavirýs infektsiiasynyń dert aǵyny jeńil túrde ótip jatqanyn kórsetedi. Sonymen sekvenirleýdiń sońǵy derekterine sáikes, Qazaqstanda álemdegidei 100% jaǵdaida Omikron shtammynyń túrli nusqalary ainalysta júr", – dep málimdedi densaýlyq saqtaý ministrligi.
Memlekettik bas dárigeriniń m.a. 2016 tamyzdaǵy №7 "2024-2025 jylǵy epidemiialyq maýsymda tumaý, ótkir respiratorly virýsty infektsiia (JRVI) jáne koronavirýs infektsiiasy (COVID-19) boiynsha sanitarlyq-profilaktikalyq, sanitarlyq-epidemiiaǵa qarsy is-sharalar ótkizý týraly" qaýlyǵa qol qoidy.
Qaýlyda JRVI, tumaý jáne COVID-19 boiynsha epidemiialyq maýsym merzimine profilaktikalyq jáne epidemiiaǵa qarsy is-sharalar, sonyń ishinde:
- 2024 jyldyń 1 qyrkúieginen bastap tumaýǵa qarsy vaktsinatsiia júrgizý;
- Meditsinalyq uiymdarda: kireberisti "súzgi" jumysymen qamtamasyz etý, betperde taǵý, antiseptikterdiń bolýy;
- JRVI, tumaý baiqalǵan bir jasqa deiingi sábiler men júkti áielderdiń úige shaqyrtýyna birinshi kezekte qyzmet kórsetý qarastyrylǵan.
Tumaý, JRVI, KVI aýrýlarynyń aldyn alý úshin ǵimarattyń ishin jii-jii jeldetip otyrý, qoldy taza ustaý úshin antiseptikalyq quraldardy paidalaný, naýqas adamdarmen bailanysty shekteý, aýyryp turǵan adamdarmen bailanysqan jaǵdaida betperde taǵý, meditsinalyq kómekke der kezinde júginý usynyldy.
