Foto: pixabay.com
Elimizdegi 13 oblystyń memlekettik arhivi 100% tolǵan. Mundai derekter Mádeniet jáne sport ministrligi jariialaǵan retteýshilik saiasattyń konsýltativtik qujatynda keltirilgen, dep habarlaidy QazAqparat agenttigi.
«Búgingi tańda respýblika boiynsha arhiv qoimalary júktemesiniń ortasha kórsetkishi - 91,2%. 2022 jyly ol 88,2% bolǵan edi. Bul rette 13 oblystyń (Almaty, Aqmola, Aqtóbe, Atyraý, Jambyl, BQO, Qostanai, Qyzylorda, Mańǵystaý, Pavlodar, SQO, Túrkistan, Abai) memlekettik arhivi 100%-ǵa tolǵan. Mysaly, Aqtóbe oblysynyń memlekettik arhivi 135% aýzy-murnyna deiin toldy. Orta eseppen jyl saiyn memlekettik arhivter 350-den 400 myńǵa deiin isti saqtaýǵa qabyldaidy. Memlekettik arhiv oqý zaldary arqyly paidalanýshylarǵa 1 mln-nan astam is beriledi. Máselen, 2022 jyly memlekettik saqtaýǵa 354 803 qujat qabyldandy. Biyl 1 toqsanda 71 139 qujat tapsyryldy», - delingen esepte.
Málim bolǵandai, Qazaqstanda belgilengen merzimnen artyq ýaqyt saqtalyp turǵan 1 mln 724 myń 387 qujat bar.
«Bolashaqta bul qujattar memlekettik arhivte bos alańdardyń bolmaýyna bailanysty memlekettik saqtaýǵa qabyldanbaýy múmkin. Qalyptasqan jaǵdai ulttyq arhiv qorynyń jáne jeke quramnyń saqtalýyna qaýip tóndiredi», - dep másele kóterilgen konsýltativtik qujatta.
