QR Aqparat jáne qoǵamdyq damý ministri Dáýren Abaev tólem kartasy joq halyqtyń bankte kezekte turǵany jóninde pikir bildirdi, dep habarlaidy "Ult aqparat".
«Iá, karta ashtyrýǵa kezek boldy. Elimizde qaýyrt jaǵdai qalyptasqandyqtan, odan qashyp qutylý múmkin emes te edi. Sondyqtan, azamattardan túsinistikpen qaraýdy ótindik», - dep atap ótti ministr «Habar» arnasyndaǵy «Ashyq dialog» baǵdarlamasynda.
Onyń aitýynsha, bul máselede biznes te, memleket te jumysyn barynsha ońtailandyrdy. Tótenshe jaǵdai men qatań karantin kezinde bul tipti múmkin emes edi.
«Biraq, qazirgi ýaqytta 13 bank pen ulttyq poshta operatory qashyqtan karta berý qyzmetin usynyp otyr. Kóptegen bankter kartany úige jetkizý, kartasyz jáne komissiiasyz qolma-qol aqsha shyǵarý qyzmetterin iske qosty. Biraz ýaqyt ótken soń, munyń bárin eńserip, halyqtyń kartasyz júrgeni umytylady», - dedi Dáýren Abaev.
