Qazaqstan Damý bankiniń basshysy Bolat Jámishev Biryńǵai Jinaqtaýshy Zeinetaqy Qorynyń qurylýyn qatelikke teńedi, dep habarlaidy Astana" telearnasy.
Mundai málimdeme KASE-tegi dáriste aityldy.
"BJZQ qurý qate boldy dep oilaimyn", - dedi QDB tóraǵasy.
Jámishev qorǵa zeinetaqy aktivterin basqarýdy baqylaýǵa múmkindik berý kerek ekenin aitty.
"Bul jaǵdaida onyń ókilettigi óte keń bolýy múmkin", - dedi ol.
Al BJZQ-da Bolat Jámishevtiń sózine túsinikteme berýden bas tartty.
Olar qordyń zeinetaqy aktivterin basqarmaitynyn, tek salymshylarǵa jinaqtalýdyń jai-kúii týraly aqparat beretin operator retinde áreket etetinin túsindirdi.
Telearna habarlaǵandai, 1 sáýirde Qazaqstan azamattarynyń zeinetaqy aktivteri shamamen 10 trln teńgeni qurady. Jyl basynan zeinetaqy jinaqtarynyń kiristiligi 11,5%-ǵa jetken.
Sonymen qatar, qazir BJZQ aktivterin syrtqy naryqtan kelgen oiynshylar basqaryp jatyr.
Osylaisha, BJZQ aktivteriniń 1% - dan sál azyraq mólsheri nemese 84 mlrd teńgesi "Aviva Investors Global Services Limited" sheteldik kompaniiasynyń basqarýynda bolyp otyr.
Aita keteiik, osyǵan deiin Ulttyq bankte zeinetaqy aktivterin jeke kompaniialarǵa tolyq berý máselesi qarastyrylyp jatqanyn habarlanǵan edi.
