Foto: Bas prokýratýra
Abai oblysy Úrjar aýdanynyń prokýratýrasy memleket paidasyna óndirip alý týraly sot sheshimin qasaqana oryndamaý deregin anyqtady.
— Aýdan turǵyny sottyń 61 million teńge kólemindegi qaryzdy óteý týraly sheshimin oryndaýdan jaltarý maqsatynda, jalpy quny 12,5 million teńge bolatyn turǵyn úii men aýyl sharýashylyǵy tehnikasyn basqa tulǵalarǵa rásimdegen, — delingen Abai oblysynyń prokýratýrasy habarlamasynda.
Atalǵan mámileler jalǵan sot aktileri negizinde, sot oryndaýshylarynyń qatysýynsyz júzege asyrylǵan. Túsken qarajatty boryshker májbúrli óndirip alý rásimin ainalyp ótip, jeke qajettilikterine jumsaǵan.
Osy derek boiynsha aýdan prokýratýrasy QK 430-babynyń 3-bóligi (sot úkimin, sot sheshimin nemese ózge de sot aktisin ne atqarýshylyq qujatty oryndamaý) boiynsha sotqa deiingi tergeýdi bastady.
Atalǵan baptyń sanktsiiasy bes jyldan jeti jylǵa deiin bas bostandyǵynan aiyrý jazasyn qarastyrady.
Aita ketelik Qyzylordada aýrýhanadaǵy alaiaqtyq áshkerelengen edi.
