- Doping daýyna urynǵan Olimpiada júldegerlerinen páterler qaitaryp alynbaidy. Mundai pikirdi Mádeniet jáne sport vitse-ministri Sáken Musaibekov bildirdi, dep habarlaidy Ult.kz tilshisi QazAqparat agenttigine silteme jasap.
«VADA (Dúniejúzilik dopingke qarsy agenttik) kodeksinde tyiym salynǵan preparattardy paidalanǵan adam memlekettik qarjylandyrýdan, halyqaralyq jáne jergilikti federatsiialardyń qarjylandyrýynan tolyqtai aiyrylatyndyǵyn jazylǵan. Ol qaraityn halyqaralyq federatsiiaǵa biliktiliginen aiyrý engiziledi. Al bizde, eger sizderdi júldege berilgen páter qyzyqtyratyn bolsa, onda sportshylardan bul páterlerdi tartyp alý úshin eshqandai zańnamalyq negiz joq. Sizderdiń ózderińizde búkil elmen 2008, 2012 jyldary olar úshin qýandyńyzdar ǵoi. Endi qiyn ýaqytta qoldaý bildireiik, mundai saýaldar qoimaiyq», - dedi Musaibekov BAQ ókilderiniń saýalyna orai.
Sonymen qatar, ol Rio Olimpiadasynyń jeńimpazdaryna beriletin syiaqy men páterlerge qatysty tilshilerdiń saýalyna jaýap berdi.
«Olimpiada oiyndaryna qatysýshylardyń júldesine qatysty aitar bolsam, olimpiadashylar syiaqylaryn alsa, kelesi aptanyń sońyna deiin paralimpiadashylar alady. «Dene tárbiesi jáne sport týraly» Zańǵa sáikes memleketten páter alýy tiisti Olimpiada júldegerlerine júldelerin tabystaýǵa bizde jarty jyl ýaqyt bar», - dedi vitse-ministr.
